FAQ

Tez-tez soruşulan suallar

İstisu mineral suyu Azərbaycanın Kəlbəcər bulaqlarından əldə edilən birinci dərəcəli təbii mineral sudur. Əsas minerallarla zəngindir və təravətləndirici dadı və sağlamlıq faydaları ilə tanınır.

1. “İstisu” necə bir sudur?

“İstisu” Azərbaycan Respublikasının qərbində yerləşən Kəlbəcər rayonunun Aşağı İstisu qəsəbəsində eyni adlı unikal yeraltı termal-mineral su yatağından gələn, kimyəvi tərkibinə görə İstisu sulfatlı-hidrokarbonatlı, natriumlu içməli təbii mineral qazlı sudur.

2. Ötən əsrin sonlarında Kəlbəcər rayonunda tikilmiş “İstisu” zavodu ilə yeni istifadəyə verilmiş “İstisu” mineral su zavodu eyni su mənbəyindən istifadə edir?

Bəli, hər iki Zavodun su mənbəyi eynidir. Yeni zavod ən müasir, dünya standartlarına uyğun avadanlıqlarla təchiz olunmuşdur.

3. “İstisu” mineral suyunun dadı necədir və su təbii olaraq qazlı və isti şəkildə çıxır?

Bəli, “İstisu” mineral suyu mənbəyindən təbii olaraq qazlı və isti şəkildə çıxır. Suyun çıxma temperaturu 47-70°C-dir. Suyun orqanoleptik göstəricilərə görə özünəməxsus dadı var, iysiz və rəngsizdir.

4. Şüşə və plastik qablaşdırmada olan suların bir-birindən fərqi nədir?

Fərq yalnız qablaşdırmadadır. Hər iki qablaşdırmanın saxlama müddəti 1 (bir) ildir.

5. “İstisu” təbii mineral suyundan gün ərzində nə qədər içmək olar?

Sağlam insan gün ərzində 1 (bir) litrədək bu sudan içə bilər.

6. “İstisu” suyu istehsalında hansı standartlardan istifadə edilir?

AZS 216–2006; İSO 22000:2018, İSO 9001:2015.

FAQ